retour
Erec et Enide, ms C (BnF, fr 794), fol 13: lines B3173-3436 (C3137-3400). Transcribed by C. W. Carroll.
[13r col. a]
[13r col. b]
[13r col. c]
[13v col. a]
[13v col. b]
[13v col. c]
[13r col. a]
Le gas/tel & le uin lor/ baille
.J. fromage lor/ pere & taille
cil ma[n]gierent q[ui] fain auoient
& del uin uolantiers/ beuoient
Li es/cuiers/ deuant ax s/ert
Q[ui] s/on s/eruis/e pas/ ne pert
Q[ua]nt mangie or/ent & beu
.E. cor/tois/ & larges/ fu <E[rec]>
Amis/ fet il anguerredon
V[os] faz du[n] de mes cheuax don
Prenez celui q[ui] mialz u[os] s/iet
& s/i u[os] pri q[ui]l ne uos/ griet
Arriers/ el chas/tel retor/nez
.J. riche os/tel mi ator/nez
& il res/pont q[ue] il fera
Volantiers/ q[ua]n q[ue] lui pleira
Puis/ uint as/ cheuax s/es/ des/lie
Le noir apris/ s/i lan mercie
car cil li s/anble miaudres/ es/tre
Sus/ mo[n]te par les/trie s/enes/tre
An .ij. les/ a iluec leis/s/iez
El chas/tel uint toz es/leis/s/iez
Os/tel a pris/ bien ator/ne
Ez le uos/ arriers/ retor/ne
Or/ tos/t s/ire fet il montez
Q[ue] boen os/tel & bel auez
.E. mo[n]te la dame apres/ <E[rec]>
Li chas/tiax es/toit auq[ue]s/ p[re]s/
Tos/t furent alos/tel uenu
A ioie furent receu
Li os/tes/ ml't bel les/ recut
& tot q[ua]n q[ue] il lor/ es/tut
Fis/t ator/ner a g[ra]nt plante
Liez & de boene uolante
Q[ua]nt li es/cuiers/ fet lor/ ot
Tant damor/ co[n] feire lor/ pot
A s/on cheual uie[n]t s/i remonte
P[ar] deuant les/ loiges/ le conte
Menoit a os/tel s/on cheual
Li cuens/ & .iij. autre uas/al
Si erent uenu apoier
Q[ua]nt li cuens/ uit s/o[n] es/cuier
Q[ui] s/or/ le noir des/trier es/toit
Demanda li cui il es/toit
[13r col. b]
& cil res/pont q[ue] il es/t s/uens
Ml't s/an es/t merueilliez li cuens/
Comant fet il ou las/ tu pris
Vns/ ch'rs/· cui ge ml't pris
Sire fet il le ma done
An ces/t chas/tel lai amene
Sest a os/tel chies/ .j. bor/iois
Li ch'rs/· es/t ml't cor/tois
Tant bel home onq[ue]s/ mes/ ne ui
Se iure lauoie & pleuj
Ne uos/ reco[n]teroie mie
Sa biaute tote ne demie
Li cuens/ res/pont ie pans/ & croj
Q[ui]l nes/t mie plus/ biax demoj
P[ar] foi s/ire fet li s/ergenz
V[os] es/tes/ as/s/ez biax & genz
Na ch'r· ances/t pais
Q[ui] de la terre s/oit nais
Q[ue] plus/ biax ne s/oiez deluj
Mes bie[n] os/ dire de ces/tuj
Q[ui]l es/t plus/ biax de uos/ as/s/ez
Se del haub[er]c ne fus/t las/s/ez
& q[ua]mois/s/iez & debatuz
An la for/es/t s/es/t conbatuz
Toz s/eus/ ancontre .viij. ch'rs
San amai[n]ne toz les/ des/t[ri]ers
& auoec lui mai[n]ne une dame
Tant bele conq[ue]s/ nule fame
La mitie de s/a biaute not
Q[ua]nt li cuens/ cele nouele ot
Talanz li pris/t q[ue] ueoir aille
Se ce es/t ueritez ou faille
Onq[ue]s/ mes/ fet il noi tel
Mai[n]ne moi dons/ as/on os/tel
Q[ue] certei[n]nemant uuel s/auoir
Se tu me diz manco[n]ge ou uoir
cil res/pont s/ire uolantiers
ci es/t la uoie & li s/antiers
& ius/ q[ue] la na pas/ grant uoie
& ml't mes/t tart q[ue] ie les/ uoie
Fet li cuens/· & lor/s/ uint a ual
& cil des/cent des/on cheual
Si a fet le conte monter
Deuant cor/rut erec conteR
[13r col. c]
Q[ue] li cuens/ ueoir le uenoit
.E. ml't riche os/tel tenoit <E[rec]>
Q[ue] bien an ert acos/tumez
Ml't i ot cierges/ alumez
& chandoiles/ es/pes/s/emant
A .iij. conpaignons/ s/eulem[an]t
Vint li cuens/ q[ui]l namenoit plus/
.E. contre lui leua s/us <E[rec]>
Q[ui] ml't es/toit bie[n] afeitiez
Si li dis/t s/ire bie[n] uaigniez
& li cuens/ res/alua luj
acointie s/e s/ont anbeduj
Sor/ une coute blanche & mole
Santre acointierent de parole
Li cuens/ li por/ ofre & pres/ante
& prie q[ue] il li cons/ante
Q[ue] de lui s/es/ gaiges/ repraigne
Mes .e. baillier ne li daigne <e[rec]>
Einz dit quas/ez a ades/pandre
Na mes/tier de s/o[n] auoir prandre
Ml't parolent de plus/or/ chos/e
Mes/ li cuens/ onq[ue]s/ ne repos/e
De regarder delautre part
De la dame s/es/t pris/ es/gart
P[or] la biaute quan li es/toit
Tot s/on pans/e anli auoit
Tant les/garda co[m] il plus/ pot
Tant la coui & tant li plot
Q[ue] s/a biautez damor/s/ les/pris/t
De parler ali congie pris/t
A erec ml't couertemant
Sire fet il ie uos/ demant
Congie mes/ q[ui]l ne uos/ enuit
P[ar] cor/teis/ie & par deduit
Voel lez cele dame s/eoir
P[or] bien u[os] uing an.ij. ueoir
N2e uos/ ni deuez mal noter
A la dame uoel pres/anter
Mon s/eruis/e s/or/ tote rien
Tot s/on pleis/ir ce s/achiez bien
Feroie por/ amor/ de uos
.E. ne fu mie ialous <E[rec]>
Q[ue] il ni pans/a nule bois/e
Sire fet il pas/ ne me pois/e·
[13v col. a]
Joer & parler uos/ ilois/t
Ne cuidiez pas/ q[ue] il ma[n] pois/t
Volantiers/ co[n]gie uos/ an doi[n]g
La dame s/eoit delui loing
Tant co[n] .ij. lances/ ont delonc
& li cuens/ s/es/t as/s/is/ s/elonc
Delez li s/or/ .j. bas/ es/chame
Deuers lui s/e tor/na la dame
Q[ui] ml't es/toit s/aige & cor/tois/e
Ha; fet li cue[n]s/ co[m] il me pois/e
Q[ua]nt uos/ alez antel uiltance
Grant duel enai &g[ra]nt pes/a[n]ce
Mes/ s/e croire me uoliez
Enor/ & preu iauriez
& ml't g[ra]nz biens uos/ an ua[n]droit
A u[ost]re biaute couandroit
Grant enor/ & g[ra]nt s/eignor/ie
Je feroie de uos/ mamie
Sil uos/ pleis/oit & boen u[os] iere
V[os] s/eriez mamie chiere
& dame de tote ma terre
Q[ua]nt ie u[os] daing damor/s/ req[ue]rre
Ne me deuez pas/ es/condire
bie[n] uoi & s/ai q[ue] u[ost]re s/ire
N2e uos/ ainme ne ne uos/ p[ri]s/e
A boen s/eignor/ s/eriez pris/e
Se uos/ auoec moi remenez
Sire de neant u[os] penez
Fet enyde ce ne puet es/tre
He; mialz fus/s/e ie or/ anes/tre
Ou an un feu des/pines/ ars/e
Si q[ue] la cendre anfus/t es/pars/e
Q[ue] ieus/s/e de rien faus/s/e
Vers mo[n] s/eignor/ ne mal pa[n]s/e
Felenie ne trais/on
Trop auez fet grant mes/p[ri]s/on
Q[ui] tel chos/e mauez req[ui]s/e
Je nel feroie an nule guis/e
Li cuens/ coma[n]ce a enflamer
Ne me deigneriez ameR
Dame fet il trop es/tes/ fiere
P[ar] los/ange ne par proiere
Ne fereiez rien q[ue] ie uuelle
bie[n] es/t uoirs/ q[ue] fame s/or/guelle
[13v col. b]
Q[ua]nt lan plus/ la prie & los/ange
Mes q[ui] la honis/t & leidange
cil la trueue meillor/ s/ouant
certes ie uos/ met ancouant
Q[ue] s/e uos/ mo[n] talant ne feites/
Ja iaura es/pees/ treites
Ocirre ferai or/ androit
Ou s/oit ator/t ou s/oit adroit
V[ost]re s/eignor/ deuant uoz ialz
Sire faire le poez mialz
Fet enyde q[ue] uos/ ne dites/
Trop s/ereiez fel & traites/
Se uos/ ceanz locieiez
Mes/ biax s/ire or/ u[os] apaiez
Car ie ferai u[ost]re pleis/ir
P[or] u[ost]re me poez s/eis/ir
Je s/ui u[ost]re & es/tre le uuel
Ne u[os] ai rien dit p[ar] or/guel
Mes por/ s/auoir & es/prouer
Se ie por/roie an uos/ trouer
Q[ue] uos/ mames/s/iez de boen cuer
Mes/ ie ne uoldroie anul fuer
Q[ua]ussiez tel trais/on fete
Mes/ s/ires/ de u[os] ne s/e guete
Se uos/ einsi locieiez
Trop g[ra]nt mes/pris/on feriez
& gen res/eroie blas/mee
Tuit diroient p[ar] la co[n]tree
Q[ue] ce s/eroit fet p[ar] mon los
Jus/ q[ua]u matin aiez repos/
Q[ue] mes/ s/ires/ uoldra leuer
Adonc le por/roiz mialz greuer
Sanz blas/me auoir & s/anz reproche
ce pans/e cuers/ q[ue] ne dit boche <"ce" : nonsense>
Sire fet ele or/ me creez
N2e s/oiez pas/ s/i es/freez
Mes/ demai[n] anuoiez ceanz
Voz ch'rs/· & uoz s/ergenz
Si me feites/ a for/ce prandre
Mes/ s/ires/ me uoldra des/fandre
Q[ui] ml't es/t fiers/ & cor/ageus/
Ou s/oit a certes/ ou ageus/
Feites/ le prandre & afoleR
Ou de la tes/te decoleR.
[13v col. c]
Trop ai menee ces/te uie
Je naim mie laco[n]paignie
Mon s/eignor/ ia na[n] q[ui]er mantir
Je u[os] uoldroie ia s/antir
An .j. lit certes/ nu anu
Des/or/ ce ans/omes/ uenu
De mamor/ es/tes/ as/eur
Licuens/ res/pont aboen eur
[initial, 3] Dame fet il buer fus/tes/ nee
A g[ra]nt enor/ s/eroiz gardee
Sire fet ele bie[n] le croj
Mes/ auoir an uoel u[ost]re foj
Q[ue] u[os] me tandroiz chieremant
Ne uos/ an cres/rai autrem[an]t
Li cuens/ res/pont liez & ioianz
Tenez ma foi ie uos/ fianz
Dame leaumant come cuens/
Q[ue] ie ferai tres/toz uoz buens/
Ja de ce ne u[os] es/maiez
N2e uoldroiz rien q[ue] u[os] naiez
Lor/s/ en a cele la foi pris/e
Mes po lan es/t & po la pris/e
P[or] s/on s/eignor/ fu deliurer <nonsense>
bien s/ot par parole eniurer
bricon des/ q[ue]le imet lantante
Mialz es/t as/ez q[ue]le li mante
Q[ue] s/es/ s/ires/ fus/t depeciez
Delez li s/es/t licuens/ dreciez
Si la comande adeu .c. foiz
Mes ml't li ualdra po la foiz
Q[ue] fianciee li auoit
.E. de ce rien ne s/auoit <E[rec]>
Q[ui]l deus/s/ent s/a mor/t pleidier
Mes/ dex li por/ra bie[n] aidier
& ie cuit q[ue] s/i fera il
Or/ es/t erec ang[ra]nt peril
& s/i ne cuide auoir regart
Ml't es/t li cuens/ de male part
Q[ui] s/a fame tolir li pans/e
& lui ocirre s/anz des/fans/e
come fel prant a lui co[n]gie
A deu fet il u[os] comant gie
.E. res/pont s/ire & ie uos <E[rec]>
Ens/i departent antrax dos. <end 13v>
haut de page
retour