|
Gautier d'Espinal
Edition: Uno Lindelöf et Axel Wallensköld, "Les chansons de Gautier d'Epinal
dans Mémoires de la société néophilologique à Helsingsfors III (1902): 205-318.
R199: fol. 6vo - 7ro
Mélodie
[Gautier d'Espinal]
image du manuscrit
-
Aÿmanz fins et vraies,
Se li mons ert vostres en pais,
N'ai je pooir ne doutance
Que d'ausinc bone esperance
Vous aint nulle autre jamés.
Mes, par faute de merci,
Mi sont a bien pres failli
Confort et bone atendance.
Or si vous plaist, il m'iert meri
Se que l'ai lonc tans servi. / fol. 7ro / image du manuscrit
Haï! losengier servais,
De vilonnie crueus,
De faire annui et pesance
Aus amëurs de vaillance,
Fineroiz vous ja, mauvais?
Nenil voir, ains ert ainsi:
De mauvais oisel lait sir
De felon mauvoillance;
C'onques du vaissel pourri
Nulle bone odeur n'issi.
Il n'est ains ni esmais, [initiale en minuscule]
Quant me menbre des ieus guais
Et de la douce sanblance,
Qu'ele me met en oubliance;
Con je plus suefre grief fais,
Onques riens tant ne m'abeli
Conme li remenbrers de lui
Et la douce souvenance;
Mes si me truis esbahis,
Que le parler en oubli.
Douce dame, ne puis mais
D'amours soufrir les essais;
Que plus ne sui en doutance
De la mort, mais a fiance.
Et pour ce du tout me tais,
Que du tout m'a maubailli.
Et li cuers me destraint si
Vostre grant desevrance,
Que se n'en n'avez merci:
Partans ert en .ii. partiz.
Tout aussi con Fevriers, Mais,
Est des rubiz li balaiz.
De bonté n'ai nule ingence;
Si m'est pis la dessevrance
De celui dont ja n'iert pais.
Mais or sont trestout peri
Si tres bien fet seignori,
S'ele ne quiert tel delivrance
Enver son leial ami,
Dont felon soient honi.
Retour à l'index
|