XII. Un miracle qui avint au gens de Boneval

1. En ce meïsmes tens avint

2. Biau miracle, qui de Dieu vint

3. Et de sa mere debonaire,

4. Por s'iglise de Chartres fere,

5. Et, por ce que ge sei de voir

6. Le vos voill ge fere asavoir,

7. Car ja par moi n'ert chouse dite

8. Se ce n'est verité escrite.

9. Ensivre voill les escritures:

10. Ge ne cont pas les aventures

11. De Gauvain ne de Perceval!

12. Cist fez au gens de Boneval

13. Avint que ge vos voill conter

14. Se il vos plest ja ecouter.

15. De Bonneval, vers Chetiaudun,

16. Les gens pristrent leur conseil d'un

17. Leur char fere et si le firent.

18. De vive chauz grans sas emplirent

19. Et desus leur char les trouserent;

20. A l'oevre a Chartres le menerent,

21. Comme preuz et comme sené.

22. Leur char orent atant mené,

23. Qui des sas au chaus estoit plein,

24. Qui enmi les chans furent plein,

25. De toutes villes esloignié

26. Plus que ne leur fust besoignié.

27. Quant piece orent biau tens eü,

28. Enprés le biau tens ont veü

29. Le tens troubler et ocurcir

30. Et l'eir espoissier et nercir

31. De neires nues et hideuses,

32. Troubles, espesses et plueuses.

33. Si commença si chargemment,

34. Si fort et si espessement

35. Seur aus a verser et plovoir

36. Qu'il leur convint par estovoir

37. Lessier collier, char et chaable,

38. Car tant ert la pluie chargable

39. Que tuit ensemble s'enfoïrent

40. Et la ou porent se tapirent,

41. Comme esbahi et esperdu.

42. Tout quiderent avoir perdu:

43. Et char et quant que dedens ert.

44. Enprés fu li ers descouvert,

45. Si cessa et chaï la pluie;

46. Li biau tens, qui pas ne m'ennuie

47. ...*

48. ...*

49. Cil viennent a leur char arriere,

50. Si lle troevent en tel maniere

51. Comme devant lessié l'avoient;

52. Mes une grant merveille voient

53. Que ge vos cont tretout por voir:

54. Trois foiz virent le char mouvoir

55. D'un leu en autre, sans touchier.

56. Lors s'en vont plus pres approchier,

57. Si voient une autre aventure:

58. Les sas touz seins sans moilleüre

59. Qu'un fil d'eive n'i fu cheü

60. Ne quel s'onques n'eüst pleü.

61. Dex, qui tot puet, le roi celestre

62. Qui daigna de la Virge nestre

63. En tel maniere et en tel guise

64. Qu'a l'enfanter ne fu maumise,

65. Garda les dons d'estre maumis

66. Qui avoient esté promis

67. A sa douce mere et voez:

68. Moilliés n'i furent n'enboez,

69. Mes seins com s'eüssent esté

70. Au solleil, tout le temps d'esté.

71. La tierce vertu a Dex feite

72. D'une fame qui ert contreite.

73. Passé avoit un an entier

74. Que par voie ne par sentier

75. N'estoit venue ne alee.

76. Desus le char estoit troussee,

77. Que aler ne pot ne venir.

78. ...*

79. Mais Dex, par sa mere, y ouvra,

80. Car la contreite recouvra

81. Sa force et si fu redreciee,

82. Dom el fu moult eleesciee.

83. Quant touz ces trois miracles virent,

84. Li pelerin moult s'esjoïrent;

85. Dieu et sa mere en mercierent;

86. Leur besoigne paracheverent

87. O joie et o devocion.

88. Quant orent leur oblacion

89. Feite a Chartres et leur prieres,