XXXI. Du prestre qui ne savoit chantier fors de Nostre Dame

1. Un miracle truis d'un provoire

2. Qui la poissant dame de gloire

3. Qui nomee est Virge Marie

4. Honora moult toute sa vie.

5. Une messe sans plus savoit,

6. " Salve sancta parens ", qu'avoit

7. Aprise d'anfance et d'usage.

8. Mez en Karesme et en Charnage,

9. A Pentecoste et a Noel

10. Ne chantast ja nule fois el.

11. C'estoit tozjors tous ses effors,

12. Et por les vis et por les mors.

13. Devant l'esvesque acusés fu.

14. En la parfin depousés fu.

15. Bouter le fist hors de sa court.

16. Se cele ou toute pitié sourt

17. Pitié n'eüst dou chapelain,

18. Il fust cheü en mal pelain.

19. Pitié en ot, bien i parut,

20. Quar a l'esvesque s'aparut

21. La nuit memes que ce avint.

22. Vers mie nuit devant lui vint

23. Et li dist moult arrieement:

24. " Ce saches tu certainement:

25. Se tu le matinet bun main

26. Ne rapeles mon chapelain

27. A son servise et a s'ennor,

28. L'ame de toi a deshennor

29. Ainz trente jors departira

30. Et es douleurs d'enfer ira. "

31. En l'esveque n'ot que esmoier.

32. Le chapelain sanz delaier

33. Fist ramener. Quant il le vit,

34. Aus piés li chiet et si li dit

35. Qu'il ait, por Dieu, merci de lui;

36. Si li a fet honte et ennui,

37. Il amendoit a sa devise,

38. Et bien reface son servise

39. En tel maniere com il seult;

40. Puisque la mere Dieu le veult,

41. Ne le doit mie desvoloir.

42. Pes ot le prestre a son voloir.

43. Qui en li n'a[l. en li a] sens ne savoir

44. Par ce miracle puet savoir

45. Que son servise pas ne pert