R2106a
(L 265-1608, MW 1004,10)
Manuscrits : unicum de R (134ro)
Anonyme
Édition antérieure : Winkler, p. 90.
Édition : Ineke Hardy

I
  1. Sens et raisons et mesure
          M'a fait oublier
    Amours, dont sent la poincture
  2.       Que ne puis celer,
          Quar si haut penser
          Me fait Amours, blasmer
    M'en doit on, se par choisir
  3. Trop haut puet blasmes venir.
II
    Je n'ensui mie droiture
          Au droit resgarder,
    Quar celle ou mise ai ma cure,
  1.       Sanz jamez oster,
          Fait tant a loer
          Que de li amer
    Ne me deüsse enhardir
  2. Ne moy tant assignourir.
III
    Mes sa biautez nette et pure,
          Pour cuer embraser,
    Me feri sans couverture
  1.       Et sanz desirrer ;
          Ne m'en seuch garder
          Et amours doubler
    Fist, dont le plaisant desir
  2. Qui bien me plaist a souffrir.
6 Me fait Amours que bl. (+1)
IV
    Se cilz desirriers me dure
          Sans merci trouver
    En vous, douce creature,
  1.       Ne sai ou tourner
          N'a quoi conforter,
          Fors a esperer
    Que bonne amour scet merir
  2. Plus c'on ne puist desservir.
V
    Franc cuer de gente nature,
          Faite a esgarder,
    Ne vous dirai m'aventure,
  1.       Forques par chanter.
          Voeilliez me escouter:
          Amours scet ouvrer
    Si que vo cuer aouvrir
  2. Fera, ce ne puet faillir.
VI
          Dame, presenter
          Vous doi, c'est tout cler,
    Ceste chanson, et oïr
  1. Le voeillies par bon desir.




35 Je vous dirai


Retour à la notice