UNIVERSITÉ D'OTTAWA Faculté des Arts

Laboratoire de français ancien

Rosarius, Miracle I


MIRACLE I (livre 1, chapitre 23)

 
1 v°a
La Vie des Frerez nous recite
Une narracion petite,
Que en la cité de Marseile
[V]it une dame grant merveille.
Lonbarde estoit de nacion. 5
Une fois, par devocion,
[A]s frerez va oïr complie
[A] l'onneur Dieu et de Marie,
[E]t quant Salve iert conmencie
[E]le en esperit fu ravie; 10
[A]donques vit quatre merveillez,
Vous les orrez de voz oreillez.
[P]remier voit la virge Marie,
Qui est des frerez grant amie,
Quant dient Et spes nostra, salve, 15
[L]es frerez a resalué,
[M]ez que se fu molt doucement,
[E]l ne saroit faire autrement.
[E]quant li frerez aprés dirent
[E]ya ergo, advocata nostra,
[L]i ueil de la dame virent, 20
[Q]u'a piez de son fil s'umilie
[E]t pour euz devotement prie.
[A]prés, quant chantent hautement
[I]llos tuos misericordes oculos ad nos converte,
[E]le a veu apertement:
[L]es frerez chantans regardoit, 25
[.y]mple comme coulon estoit
[...]s regarde de b[...],
[... l]eur face.
1 v° b
[... comme sont] li envieus
Quant sus lez bons getent lez iex, 30
Acraventer bien lez vourroient
Souvent se faire le povoient.
Envie est trop mavez pechié,
De quoy plurieurs sont entechié.
Envie, Diex te doint hui maujour! 35
Par toy sont fait maint grant estour,
Bataillez et occision;
Trop en mez a perdicion.
Toute vertus brule Envie,
Prechiez est Crit par Jalousie. 40
S'Envie en toy a seignourie,
Charitez donques n'i est mie.
Envie trop habunde en fame.
Envie met a mort mainte ame.
Envie homme et fame enivre, 45
Sages est cis qui s'en delivre.
Qui Envie a et nului n'aime,
Tel personne dyables demainne.
Li dyables cheï par Envie,
Fui la donc et ne l'aimme mie. 50
Envie lez vertus ensieut,
A son voisin nul bien ne vieut.
Par Envie crucifié
Fu Jhesu Crist batu et lié,
Et ciz Jhesu Crist crucifie 55
Qui a sus son proime envie.
Menbre au dyable est li envieus,
Il n'enterra ja es sains cieulz.
Autel te di de Jalousie;
Tout dui sont d'une compaignie: 60
C'est la compaignie au dyable;
El n'est bonne ne couvenable,
Ele tourmente tout le monde.
Je prie a Dieu qu'el chiee et fonde.
S'Envie ou monde ne regnoit, 65
En tous tans pais i averoit.
Molt est bonne chose que pais,
Ne say s'elle venra jamais;
Ele fait longue demouree,
Je croi qu'el soit ou ciel montee. 70
2 r° a
[...]
[...]
[...]
P[...]
Pa[...] 75
Pour [...]e
Semble qu [...]ez il pue,
El ne va point aval la rue.
En chastel, en bourc, en cité,
En vile habunde Iniquité. 80
Fuie s'en est de tout lieu.
Ramener la daint Damedieu!
Vieus savoir qui l'a enchacie?
Tout ce a fait couvoiteuse Envie.
Diex, quant chantra parmi la rue 85
Pais sa douce revenue?
Volentiers a sa karole
Iroie ne por male parole
Ne lairoie, quar c'est si grant bien
Qu'ele surmonte toute rien. 90
Donné volroie avoir ma cote
Que il fust si grant terremote
Que englouti eüst Envie,
Qui nous tout Pais en ceste vie.
Retournon a dame Marie, 95
Quar encore chanton conplie.
Quant li frere ce vers chantoient:
Et Jhesum benedictum fructum ventris tui nobis
Post hoc exilium ostende
Et il ad Jhesum s'enclinoient
- Ainsi le doit faire honme et fame,
Avantage a de sauver s'ame, 100
Quar diz jours de pardon aura
Qui ad Jhesum s'enclinera -
La dame qui estoit a complie
Si vit bien la virge Marie
En aage tenre et jone, 105
Si com il sembloit a la done:
Son fil tenoit entre sez bras,
A chascun frere en grant soulas
Le bailloit la gentil pucele.
La damë iceste nouvele 110
[...] ot toute effraee
2 r° b
[...] a recordee.
Molt fu bele l'avision.
Fame de grant devocion
Estoit cele qui l'a veüe 115
Et nous par loenge deüe
Devons honnourer la pucele
Qui de Dieu fu palais et cele.
Sus toutez doit estre honnouree.
Buer soit l'eure qu'ele fust nee! 120
Dame, ciz fu nez de male heure
Qui ne te sert, qui ne t'honneure.
Gete ton cuer en ceste dame
Se vieus que sauvee soit t'ame.
Se fame [l. t'ame] vieut estre sauvee, 125
En Marie met ta pensee.


Page d'accueil


Dernière mise à jour : 08.11.1999
Pour toute question au sujet de ce site, veuillez vous adresser à :
E-maillabo@francaisancien.net