UNIVERSITÉ D'OTTAWA Faculté des Arts
Laboratoire de français ancien
Rosarius, Miracle XV
MIRACLE XV (chap. 37)
68 r° b
De la premiere esglise que sainl Pier[re] fonda a l'onneur de Nostre Dame.
69 r° a
Il avint en la terre sainte,
Ou Diex a fait miracle mainte,
Droit au trentime jour de may,
Puet estre que trop estoit guay
Li païs et de male part, 5
Que li grans Dieu tendi son arc.
Les trois jours des rogacions
Furent grans tribulacions:
De la cité d'Acre partie
Par terremote fu perie. 10
Une vois terrible fu oïe,
De quoy la gent fu esbahie.
Gent y avoit a grant planté
Qui mort furent et craventé.
Li palais le roy fu destruit; 15
S'a fait pechié, si comm je cuit.
Pechié fait orde conscience
Et pour ce vient aprés meschance.
Se temptés iés, point ne t'acorde
A pechié, mes de cuer t'en descorde, 20
Quar cis qui a pechié s'acorde
Tiex pour soy pendre prent la corde.
70 r° a
Sur presque toute, Triple en partie,
Senti ont autel envaïe.
Molt en i eust qui furent mort, 25
Hommes, fames, floibes et fort.
Antarados, lieu ou cité,
Combien qu'eüst iniquité,
Fu espargnié pour la bele
Marie, virge et pucele, 30
Ou premierement saint Pierre
De lui fonda esglise en terre.
Donc en Antarados fu mise
Jadis la premerainne esglise
Qui fu de la bele Marie; 35
Pour ce, cuidons, fust garantie.
Molt fait bon honnourer tel dame,
Qui le cors garde et plus l'ame.
Pour toute question au sujet de ce site, veuillez vous adresser à :
labo@francaisancien.net