UNIVERSITÉ D'OTTAWA Faculté des Arts
Laboratoire de français ancien
Rosarius, Miracle XVI
MIRACLE XVI (chap. 38)
72 v° a
[Q] uant par païs jadis portoient
[L]a fiertre de Leon ou estoient
[Li c]heveul de la bele dame
[Po]ur le salut de cors et d'ame
[Et] plurieurs autre saintuaire 5
[Pre]cieus et de noble affaire,
[Quant] il furent en Engleterre
[Pou]r assembler argent et querre
[Pou]r l'esglise de Laon rapareillier
- [Arse] estoit, s'en avoit mestier - 10
[Dans] un chastiau qui non avoit
[...]enes, ou i demouroit
[...]t plains de grant compassion,
[...f]ist la bele Marion
[Un] miracle molt merveilleus. 15
[Un] homme i est grandement vieus
[Qui on]ques n'avoit alé droit;
[Des] qu'il fu nés, boiteus estoit.
[Il e]stoit germain au prevost
[...]el chastel, mes quant dit ost 20
[...]roie a la bele dame
[Qu]'eüst pitié de cors et d'ame,
[...]t ala et plus ne clocha.
[...]c le prevost s'aprocha
[...l]a fiertre la gracieuse 25
[...]n devocion piteuse.
[Qua]rante souls a mis devant
[...]lins de si en avant;
[Li a]utre si ont molt offert
[Qui] voient le miracle apert. 30
[...] est molt fort de redrechier
[P]ié acoustumé de clochier.
[So]uvent peche, souvent cloche
[...] clochier enfer aproche
[...] pecheur sa clocherie 35
[...] en enfer n'enterra mie.
[...] ceste male clocheüre
72 v°b
Fait encourir d'enfer l'arsure.
Et cis qui par pechié ne cloche,
Qui fermes est en bien con roche, 40
Tiex va en pardurable vie;
N'a eü point de clocherie.
Je, se par pechié ne clochoie,
Es tourmens d'enfer n'enterroie.
Et qui par pechié clocheront 45
Et point redrecié ne seront
Par Jhesu Crist et par Marie,
L'ame de tiex sera perie.
Pour quoy donques, pour quoy clochas,
Pour coy a pechié t'acrochas? 50
De pechié tantost te descroche,
Par repentir a Dieu t'aproche!
Pour toute question au sujet de ce site, veuillez vous adresser à :
labo@francaisancien.net