UNIVERSITÉ D'OTTAWA Faculté des Arts
Laboratoire de français ancien
Rosarius, Miracle XVII
MIRACLE XVII (chap. 38)
71 v° b
De l'Angleis qui embla l'argent devant la fiertre Nostre Dame de Laon et puis fu
trouvez pendu a un arbre.
73 v°b
Un autre miracle diron
De la pucele Marion,
Qui avint ilesques meesmes
D'un jouvencel qui iert tres pesmes.
Trois jouvenciaus ilec estoient, 5
De lignage s'apartenoient:
Cousin estoient l'un a l'autre,
Ne say se germain ou en autre.
Il commencierent a detraire
Des miracles que veoient faire 10
Par Dieu et par sa bele mere.
C'est une mauvese maniere.
Quant virent offrir tant d'argent,
Dirent que deçoivent la gent
Par l'art de male enchanterie 15
Et que ce ne faisoit point Marie.
«Ciz Laonnois ce weulent faire
Pour argent de la gent atraire.»
O detraction perileuse
Detraire de la glorieuse! 20
Molt est la langue envenimee
Qui mal dit de la benneuree.
Garde ta langue de mesdire,
Que tu n'enqueures de Dieu l'ire,
Quar crueusement est punie 25
Injure dite de Marie,
Si com orrés tantost conter
Se vous me voulés escouter.
Li uns d'eus, qui ne fu pas sage,
Conceü a en son courage 30
Et a dit a ses compaignons:
«Je conseille que nous pregnons
Des deniers devant cele chasse,
Des quex il i a grant masse...
Pour toute question au sujet de ce site, veuillez vous adresser à :
labo@francaisancien.net