Jehan Erart

Edition: T. Newcombe. Les Poésies du trouvère Jehan Erart. Textes littéraires français. Genève: 1973. P. 78.

R1718: fol. 219v^o - 220r^o
.xiii.

^{image du manuscrit}

1. En Pascor un jor erroie
   En .i. pré le un larriz;
   Trais pastoraus aätiz,
   Dient qui feront grant joie,
   Et si averont fresdel,
   Pipe, muse, chalemel,
   S’amie chascus amis;
   Et si iert la gaite Guis
   Qui set de la lapinelle: 
   Do do do do dele.

2. D’ilec se sont mis en voie
   Et je m’en sui departiz.
   Mais ainz q’il fust miedis
   Ainsi con je retrairoie,
   En un [...] vort e novel [-1]
   Les truis menent leur cenbel.
   Bien estoent jusc’a .x.,
   Et si fu la gaite Guis
   Qui notait et musoit de la lupinele: [+4}
   Do do.

3. Je desendi en l’erboie,
   Si esgardai lor deliz,
   Jupes et grailes crespit
   I avoit mont* et di soie,
   Caifes faites a reëel
   Et coteles de burel,
   Roïes jusques a .vi.;
   Avuec aus se tenoit Guis
   Qui notoit et musoit de la lupinele: [+4] 
   Do do.

4. Molt i demoine grant joie
   Godefroiz et *(molt si desroie)* Aheuris
   A treschoer se sont pris .
   Godefroiz molt si desroie,
   Sa/fol. 220r^o/ut e et trepe et meine bel 
   La troiche entor un obnel
   Ou munt ot de jant asis;
   Avuec aus se tenoit Guis
   Qui musoit et notoit de la lupinele: [+4] 
   Do do do.

5. Hervis molt sovent menoie
   Les mains s’amie Aëlis.
   Fochiers a son penser mis
   En Robin qui de sa coroie
   Topliait con d’un bastuncel
   Tot entor *sen dai memel*,
   Et siflait tot a devis
   Ausi con la gaite Guis
   Musoit de la lupinele:
   Do do.

6. Herbinez li fiz maroie,
   Fu molt dolent et pensis,
   Por ce que la gaite Guis
   Leveint toz de mener joie.
   Par envie do donzel
   Li enfondret son forel;
   Adonc leva uns etris:
   Dolen furent tuit qant Guis
   Laissa de la lupinelle.
   Do do do do.

retour à l'index

haut de page