Guiot de Dijon

Edition: Elizabeth Nissen.  Les Chansons attribuées à Guiot de Dijon et Jocelin. Paris: CFMA, 1928. P. 5.

R647: fol. 221v^o - 222r^o
.xxii.

^{image du manuscrit}

1. A l'entree do doz comencement [-1]
   Do novel tens que je voie perier,
   Que pré sunt vert et florissent vergiers
   Et cil oisiel chantent si docement,
   Lors chanterai plus renvoisiement
   C'onques ne fis, kar celle le me prie
   Qui est ma dame et ma tre douce amie;
   S’en merci m’unt amors seüre
   De joie avoir et de bone aventure.

2. Esperance d'avoir aliegement
   Et ce q'amors m’unt permis aëdier
   Mi fait chanter et rire et envoisier
   Et enorer et servir totes gent,
   Nis les feluns qui m’unt fait nuisement
   Et maintes foiz tormente por envie.
   Hé! lonsengier, vos ne feïssiez mie,
   Ainz m’eüssiez plus menié a droiture
   S’en vos eut et pitié et mesure.

3. Encor avrunt felun et medisant
   Lour bone pais, s’il s’en velent changier
   De faus genglois dum il sut cotumier,
   Que merci doit trover qui se repent.
   Simple bele blunde por qui ge chant,
   Doce dame qui avez seignorie
   Do plus loial ami qui soit en vie,
   Ja de tel gen acointier n'aiez cure,
   Qar por aus vient blasmes qui toz jorz dure.

4. Blammee en ier amors trop voirement / fol. 222r^o
   [.......lacune de 8 vers marquée par un blanc ...]

5. Il afier bien a dame de jovent
   Q’ele sache soir et eslongner [-1]
   Çaus qui sunt de mentir cotumier [-1]
   [.......lacune de 6 vers marquée par un blanc ...]

6. Chançon, va t’en en paradis tot droit
   A Jesu Crit et si li di et prie
   Qu’Andrier mon segnor d’Arcies, [-2]
   Si en fera ma joie plus segure:
   Tous m’aimera qui or n’a de moi cure.

retour à l'index

haut de page