Renaut de Sableuil

Edition: Hans Spanke. Eine altfranzösische Liedersammlung, der anonyme Teil der Liederhandschriften KNPX. Rom. Bibl. XXII. Halle: 1925. p. 2.

R1229: fol. 220r^o
.xv.

^{image du manuscrit}

1. Ja de chanter a ma vie
   Ne quier mais avoir coraje;
   Ainz vuel miauz c’amors m’ocient,
   Por faire luer grant domage.
   Car jamais si hautement
   N’iert amee ne servie;
   Por ce chatoi tote jant.
   Moi a mort et li traïe.

2. Sa beauté la m’a tolue
   Et jovenz qui l’asegure.
   Ausi bele ai ja veüe,
   Qui puis tornoit a mesure.
   Enveillir covient lavant :
   Por bele fu ja tenue
   La Contesse de Murlent.
   Qui or est vielle chenue.

3. Qui que se lot de sa drue,
   La moie aut male aventure.
   Qui le m’ocit a veüe,
   Con celi dont el n’a cure.
   Las! mar vi sun biau cors jant.
   Tante poine n’ai eüe
   S’autre bien de li n’atench
   Morz, car va, si la me tue.

[Suivi d'un blanc]

retour à l'index

haut de page