Robert de Reins

Edition: Jean Beck. Anthologie de cent chansons de trouvères et de troubadours des XIIIe et XIIIe siècles. Philadelphia: 1937. P. 85.


R1655: fol. 223vo
.xxx.

image du manuscrit

    1. Qui bien velt amor descrivre:
      Amors est e male e bone
      Les amesurés enivre
      Les plus sages enbricone.
      Les enprisonés delivre,
      Les deslivrés enprisone;
      Cascus fait morir e vivre
      A l’un tolt, a l’autre done;

    2. Amors va re* par aventure,1 [+1]
      Cascus i pert e gaaigne,
      Par oltraige et par mesure
      Sane cascun et maaigne,
      Eürs et mesaventure
      Et sunt adés en sa conpaigne:
      Preuz e raisons et droiture
      Que chascuns se’n loe [...] plaigne.
      *(Bone e male est amors
      Jois e gauz pene dolors)* [vers suppl.]

    3. Amors est large et avere,
      Cil est qui voir vos en retraie. [+1]
      Amors est dolce et amere
      A celui qui bien l’essaie.
      Amors est marastre e mere,
      Car ele bat e rapaie.
      C’als qui plus le conpere, [-1]
      C’est cil qui mains s’en esmaie.

    4. Sovent rit e sovent pleure
      Qui bien met son corage; [-1]
      Bien e mal li corent seure
      Son pro qui ert e son damatge. [+1]
      Mais s’ele biens li demeure,
      De cel a bon avantage;
      Que les bien d’une sole eüre,
      Les mals d’un an asoatge.

    5. Je vos di tot sains fantise
      D’amor a la definaille,
      Cel con cis vers le devise,
      Cel le troveres sens faille.
      E cil qui amors justise,
      De chose que alques vaille,
      N’en porroit en nulle gise
      Le gran traire sanz la paille.

** Les str. I et II sont données sans coupure.

retour à l'index


haut de page