Retour à l'index

Chardon

Edition: H. Suchier, "Der Minnesänger Chardon" dans 
Zeitschrift für romanische Philologie XXXI (1907): p. 146.

R1035: 138v^o

^{image du manuscrit}

1. Pres sui d'amors et loing sui de celui
   Dont me covient ma joie definer.
   Qant laisié m'a dolent esbaï
   Qant lui ne voi ne a lui puis parler.
   Ne ja por ce ne me voroiz fauser,
   Ainz atendra bonament sa merci;
   Puis q’elle set mon cuer e mon penser.

2. Si sui dolenz q’eo no sai qe je di,
   N’a mes chanzons ne me puis conforter:
   Maint mal m’ont fait pré et vergier flori
   E li oisel qe j'oi el bois chanter.
   Q’en son païs n’os venir ne aler,
   Mais mes fins cuer est toz jorz a celli,
   Qi tant mi fait veiller et sospirer.

3. Mas acointai sont* gent cors segnori
   E son bel vis fres et riant e cler.
   Ne la voi mais la o primers la vi,
   E sachiez bien qe molt me puet grever.
   Molt me vent chier ce qe je l'os amer:
   C’anc puis cel jor q'a lui me descovri
   Ne me digna de ses euz regarder.

Retour à l'index