R1887 : Nuns ne poroit de mavaise raison

XV. Nuns ne poroit de mavaise raison (R1887)
Texte de U
(les interventions dans le texte sont marquées dans la transcription par des liens hypertextuels affichant des infobulles explicatives)

Texte édité

Car j’ai asseis atre chose a panseir,
Et nonporcant la terre d’outre meir
Voi an si tres grant balance
C’an chantant voil preier lou roi de France
Ke ne croiet cowairt ne losangier
De la honte Nostre Signor vangier.

Or perdés tout cant vos volés laisier
Jherusalem estre an chativeson,
Kar cant Deus fist de vos election
Et signor de sa vanjance,
Bien deüsiez moustreir vostre pousance
De revangier les mors et les chaitis
Ke por vos sont et por s'amour occis.

III

Neu onke mais n’an ot si boen mestier,
Car por vos est ces pueples mors et pris
Ne nus, for vos, ne l’an puet bien aidier,
Ke povre sont li atre chivelier,
Se criement la demorance ;
Et s’ans teil point lor feïsiez faillance,
Saint et martir, apostre et inocent
Se plainderoient de vos a jugemant.

Rois, vos aveis tresor d’or et d’argent
Plus ke nus rois n’ot onkes, ce m’est viz ;
Si an doveis doneir plus largemant
Et demoreir por gardeir cest païs,
Car vos avez plus perdut ke conkis.
Se seroit trop grant vitance
De retorneir atout la mescheance,
Mais demoreis, si fereis grant vigour
Tant ke France ait recovree s’onour.

Et ke gaigniet aveiz moins ke niant,
Et des prisons ke vivent a tormant
Deüsiez avoir pesance ;
Bien deüsiez querre lour delivrance,
Ke por vos sont et por s'amour martir,
C’est grans pechiez ces i laxiés morir.

Transcription synoptique

U Nuns ne poroit de mavaise raison
V On ne porroit de mauvese reson
U Bone chançon ne faire ne chanteir
V Bonne chançon ne fere ne chanter
U Por ceu n’i veul mattre m’antansion
V Pour ce n’i vueill metre m’entencion
U Car j’ai asseis atre chose a panseir
V Que j’é assez autre chose a penser
U Et nonporcant la terre d’outre meir
V Et nonpourquant la terre d’outre mer
U Voi an si tres grant balance
V Voi en si grant balance
U C’an chantant voil preier lou roi de France
V Qu’a jointes mainz proie on le roy de France
U Ke ne croiet cowairt ne losangier
V Qu'il ne croie couart ne losengier
U De la honte Nostre Signor vangier
V De sa / honte ne de la Dieu vengier

U Ai gentis rois cant Deus vos fist crousier
V E gentilz roys quant Dieus vous fist croisier
U Toute Egipte doutoit vostre renon
V Toute Egypte doutoit vostre renon
U Or perdés tout cant vos volés laisier
V Or perdez tout se ainsi voulez lessier
U Jherusalem estre an chativesonsPluriel inattendu ; la rime exige chativeson (leçon de V).
V Jherusalem en tel chetivoison
U Kar cant Deus fist de vos election
V Car quant Dieus fist de vous eslution
U Et signor de sa vanjance
V Et seigneur de sa venjance
U Bien deüsiez moustreir vostre pousance
V Bien deüssiez mostrer vostre puissance
U De revangier les mors et les chaitis
V En regreter les mors et les chetis
U Ke por vos sont et por s'amour occis
V Qui pour Dieus sont et pour vous mort et priz

III

U Rois vos savez ke Deus ait poc d’amis
V E gentilz rois vous savez que Dieus a po d’amis
U Neu onke mais n’an ot si boen mestier
V Et onques mes n’en ot si grant mestier
U Car por vos est ces pueples mors et pris
V Et pour vous est son peuple mors et pris
U Ne nus for vos ne l’an puet bien aidier
V Ne nus fors vous ne leur porroit aidier
U Ke povre sont li atre chivelier
V Car povre sont cil autre chevalier
U Se criement la demorance
V Et toute la demourance
U Et s’ans teil point lor feisiez faillance
V Que s’en tel point leur fesiez faillance
U Saint et martir apostre et inocent
V Saint et martir apostre et innocent
U Se plainderoient de vos a jugemant
V Se plaindroient de vous au jugement

U Rois vos aveis tresor d’or et d’argent
U Plus ke nus rois n’ot onkes ce m’est viz
U Si an doveis doneir plus largemant
U Et demoreir por gardeir cest païs
U Car vos avez plus perdut ke conkis
U Se seroit trop grant vitance
U De retorneir a tout la mescheance
U Mais demoreis si fereis grant vigour
U Tant ke France ait recovree s’onour

U Rois s’an teil point vos meteis a retour
U France dirait Chanpagne et toute gensLa rime exige gent.
U Ke vostre los aveis mis an tristour
U Et ke gaigniet aveiz moins ke niant
U Et des prisons ke vivent a tormant
U Deüsiez avoir pesance
U Bien deüsiez querre lour delivrance
U Ke por vos sont et por s'amour occisLa rime exige une terminaison en -ir ; nous avons restitué
par conjecture martir (d'après Gaston Paris).
U C’est grans pechiez ces i laxiés morir

Traduction

car j’ai assez d'autres choses à penser,
et cependant je vois la terre d’outre-mer
dans un si grand péril
que je veux prier en chantant le roi de France
de ne faire confiance ni à couard ni à flatteur
pour venger la honte de Notre Seigneur.

maintenant vous perdez tout lorsque vous voulez laisser
Jérusalem demeurer en captivité,
car quand Dieu vous fit son élu
et seigneur de sa vengeance,
vous auriez bien dû montrer votre puissance
en vengeant les morts et les captifs
qui se firent tuer pour vous et par amour pour Lui.

III

et que jamais il n'en a eu un plus grand besoin,
car par votre faute ce peuple est mort et en captivité
et personne, sauf vous, ne peut le secourir,
car les autres chevaliers sont pauvres
et craignent de demeurer ici ;
et si vous les abandonniez en un tel point,
saints et martyrs, apôtres et innocents
se plaindraient de vous au Jugement.

Roi, vous avez trésor d’or et d’argent
plus grand, me semble-t-il, que n'en eut jamais aucun roi ;
aussi devez-vous en donner plus généreusement
et demeurer ici pour garder ce pays,
car vous avez plus perdu que conquis.
Ce serait une trop grande vilenie
de revenir dans l'infortune,
mais demeurez, vous montrerez votre force
jusqu'à ce que la France ait recouvré son honneur.

et que vous avez gagné moins que rien,
alors que vous auriez dû vous faire du souci
pour les prisonniers qui vivent dans le tourment,
que vous auriez bien dû chercher leur délivrance,
puisqu'ils souffrent le martyre pour vous et par amour pour Lui ;
c'est un grand péché si vous les y laissiez mourir.